KAS – 2024, ಕರ್ನಾಟಕ ಇತಿಹಾಸದ ಸಂಕ್ಷಿಪ್ರ ಪರಿಚಯ- Karnataka History –

KAS – 2024 – ಕರ್ನಾಟಕ ಇತಿಹಾಸ ಭಾರತ ದೇಶದ 28 ರಾಜ್ಯಗಳಲ್ಲಿ ಕರ್ನಾಟಕವು ಒಂದು. ವಿಸ್ತೀರ್ಣದಲ್ಲಿ 8ನೇ ದೊಡ್ಡ ರಾಜ್ಯ ಮತ್ತು ಜನಸಂಖ್ಯೆಯ ಗಾತ್ರದಲ್ಲಿ 9ನೇ ದೊಡ್ಡ ರಾಜ್ಯವಾಗಿ ಭಾರತದಲ್ಲಿ ಗುರುತಿಸಿಕೊಂಡಿದೆ. 1.91 ಲಕ್ಷ ಚದರ ವಿಸ್ತೀರ್ಣ ಹೊಂದಿರುವ ಕರ್ನಾಟಕ ರಾಜ್ಯವು ಭಾರತದಲ್ಲಿನ ದಕ್ಷಿಣ ಭಾರತದ ರಾಜ್ಯವಾಗಿ, ನೈರುತ್ಯ ದಿಕ್ಕಿನಲ್ಲಿ ಗುರುತಿಸಿಕೊಂಡಿರುವ ಕರ್ನಾಟಕ ರಾಜ್ಯದ ಪ್ರಮಾಣಿತ ಭಾಷೆ ಮತ್ತು ರಾಜ್ಯ ಭಾಷೆಯಾಗಿ ಕನ್ನಡ ಗುರುತಿಸಿಕೊಂಡಿದೆ.

ಸ್ವಾತಂತ್ರ ಪೂರ್ವದಲ್ಲಿ ಹರಿದು ಹಂಚಿ ಹೋಗಿದ್ದ ಕರ್ನಾಟಕವು, ಸ್ವಾತಂತ್ರೋತ್ತರ ಭಾರತದಲ್ಲಿ 562 ಸಂಸ್ಥಾನಗಳನ್ನು ಕೂಡಿಸಿ ಹೇಗೆ ಭಾರತವಾಯಿತು ಹಾಗೆ ಕರ್ನಾಟಕವು ಮಹಾರಾಷ್ಟ್ರ, ಆಂಧ್ರಪ್ರದೇಶ, ತಮಿಳುನಾಡು, ಕೇರಳದಿಂದ ತನ್ನ ಭಾಗಗಳಿಗೆ ಹೋರಾಡಿ ಒಂದೇ ಭಾಷೆಯಾಡುವ ಜನರು ಎಲ್ಲರೂ ಒಂದೆಡೆ ಇರಬೇಕೆನ್ನುವಲ್ಲಿ ಏಕೀಕರಣ ಶುರುವಾಗಿ, ವಿಶಾಲ ಮೈಸೂರು 1956 ನವಂಬರ್ 1ರಂದು ಸೃಷ್ಟಿಯಾಗಿ, ನಂತರ 1973 ನವೆಂಬರ್ 1ರಂದು ವಿಶಾಲ ಮೈಸೂರಿನ ಅಡಿಯಲ್ಲಿ ಬರುವ ಎಲ್ಲಾ ಪ್ರದೇಶಗಳಿಗೂ ವಿಶಾಲ ಮೈಸೂರು ಸಮಗ್ರವಾಗಿ ಪ್ರತಿನಿಧಿಸುವುದಿಲ್ಲ ಎಂಬುದರ ಹಿನ್ನೆಲೆಯಲ್ಲಿ ಕರ್ನಾಟಕ ಎಂದು ಮರುನಾಮಕರಣ ಮಾಡಲಾಯಿತು. ಇಂತಹ ಕರ್ನಾಟಕ ಎಂಬ ಹೆಸರು ಪ್ರದೇಶ ಸೂಚಕವಾಗಿ ಪ್ರತಿನಿಧಿಸುತ್ತದೆ ಹಾಗಾದರೆ ಇದರ ಇತಿಹಾಸ ಅಥವಾ ಅದರ ನಿಷ್ಪತ್ತಿ ಹೇಗೆ ಎಂಬುದನ್ನು ನೋಡಬೇಕು.

Read this one: https://rvwrittingblog.blogspot.com/2024/02/kannada-sahitya-charitre-pampayuga-pampa.html

ಕರ್ನಾಟಕ ಎಂಬ ಪದವು ಕ್ರಿಸ್ತಪೂರ್ವ ನಾಲ್ಕನೇ ಶತಮಾನದಲ್ಲಿ ಬರುವ ಪಾಣಿನಿಯ ಸಂಸ್ಕೃತದ ವ್ಯಾಕರಣದಲ್ಲಿ ಕರ್ನಾಟಕ ಎಂದು ಗುರುತಿಸಲಾಗಿ, ತದನಂತರ ಮಹಾಭಾರತದ ಸಭಾಪರ್ವ ಮತ್ತು ಭೀಷ್ಮ ಪರ್ವದಲ್ಲಿ ನಿರ್ದಿಷ್ಟವಾಗಿ ಸ್ಥಳ ಸೂಚಕವಾಗಿ ಕಂಡುಬರುತ್ತದೆ ಆ ಸೂತ್ರ ಹೀಗಿದೆ.

ಅಥಾಪರೇ ಜನಪದಾಃ ದಕ್ಷಿಣಾ ಭರತರ್ಷಭ

ದ್ರವಿಡಾಃ ಕೇರಳಾಃ ಪ್ರಾಚ್ಯ ಮೂಷಿಕಾ ವನವಾಸಿಕಾಃ

ಕರ್ಣಾಟಕಾ ಮಹಿಷಕಾ ವಿಕಲ್ಪಾ ಮೂಷಕಸ್ತಥಾ

ಎಂಬಿರುವಲ್ಲಿ ಕರ್ನಾಟಕ ಎಂಬ ಪದವು ಕರ್ನಾಟಕದ ಪ್ರದೇಶ ಸೂಚಕವಾಗಿ ಕಂಡುಬಂದಿದೆ .

ಇದಾದ ನಂತರ ಸಂಸ್ಕೃತ ಪುರಾಣಗಳಾದ ಮಾರ್ಕಂಡೇಯ ಪುರಾಣ, ಭಾಗವತ ಮತ್ತು ವರಹ ಮಿಹಿರ ಬೃಹತ್ ಸಂಹಿತದಲ್ಲೂ ಕರ್ನಾಟಕ ಹೆಸರು ಹೆಚ್ಚು ಬಾರಿ ಉಲ್ಲೇಖವಾಗಿರುವುದನ್ನು ಕಾಣಬಹುದು.

ತಮಿಳು ಕೃತಿಗಳಾದ ತೊಳ್ಕಾಪಿಯಂ, ಶಿಲಪ್ಪಧಿಗಾರಂ, ಕರುನಾಡು ಅಥವಾ ಕರುನಾಟರ್ ಎಂದು ಗುರುತಿಸಿದೆ.

ಚೇರನ್ ಶೇನ್ ಗುಟ್ಟವನ್ ನೀಲಗಿರಿಯಲ್ಲಿ ಕರುನಾಡರ ನಾಟಕ ನೋಡಿದೆ ಎಂದು ಹೇಳಿದ್ದಾನೆ.

ಕ್ರಿಸ್ತಶಕ 450 ಕದಂಬ ವಿಷ್ಣುವರ್ಧನನ ಬೀರೂರು ತಾಮ್ರಪಟಗಳಲ್ಲಿ ಆತನು ಸಮಗ್ರ ಕರ್ನಾಟ ದೇಶ ಭೂವರ್ಗ ಭರ್ತಾರನಾಗಿದ್ದ ಎಂದು ಹೋಗಳಿವೆ ಮತ್ತು ಇದೇ ಮೊದಲ ಬಾರಿಗೆ ಕರ್ನಾಟ ಎಂಬ ಪದವು ಶಾಸನಗಳಲ್ಲಿ ದೊರೆತಂತಾಗಿದೆ.

ಬಾದಾಮಿ ಚಾಲುಕ್ಯರ ಸೇನೆಯನ್ನು ಕರ್ನಾಟಕ ಬಲ ಎಂದು ಉಲ್ಲೇಖಿಸಲಾಗಿದೆ.

Read this one: https://rvwritting.com/part-2-%e0%b2%95%e0%b2%a8%e0%b3%8d%e0%b2%a8%e0%b2%a1-%e0%b2%b8%e0%b2%be%e0%b2%b9%e0%b2%bf%e0%b2%a4%e0%b3%8d%e0%b2%af-%e0%b2%9a%e0%b2%b0%e0%b2%bf%e0%b2%a4%e0%b3%8d%e0%b2%b0%e0%b3%86kannada-sahitya-char/

KAS – 2024, ಕರ್ನಾಟಕ ಇತಿಹಾಸ ಕರ್ನಾಟಕ ಪದದ ನಿಷ್ಪತ್ತಿ ಕರ್ನಾಟಕ ಪದದ ನಿಷ್ಪತ್ತಿಯನ್ನು ಈ ಕೆಳಗಿನಂತೆ ನೋಡಬಹುದು.

• ಕಣ್ ಮತ್ತು ನಾಟ್ ಎಂಬ ಎರಡು ಜನಾಂಗಗಳಿಂದ ಕರ್ನಾಟಕ ಬಂದಿದೆ
• ಕಣ್ ಅಥವಾ ಕಳ್ ಎಂಬ ಒಂದು ಜನಾಂಗ ವಾಸಿಸುತ್ತಿತ್ತು ಅದರಿಂದ ಕಣ್ ನಾಡು ಆಯಿತೆಂಬುದು ಇನ್ನೊಂದುವಾದ.
• ಕರ್ಣೇ + ಅಟ ಯತಿ ಎಂದರೆ ಕಿವಿಗೆ ಹೊಡೆಯುವವನು ಅಥವಾ ಖ್ಯಾತವಾದ ನಾಡು ಎಂಬುದರಿಂದ ಕರ್ನಾಟ ಎಂದಾಯಿತು.
• ಕಮ್ + ನಾಡು ಕಮ್ಮಿತ್ತು ನಾಡು ಸುವಾಸನೆಯ ಪ್ರದೇಶ ಎಂಬುದರಿಂದ ಬಂದಿತು.
• ಕರಿ ಪ್ಲಸ್ ನಾಡು ಕಪ್ಪು ಮಣ್ಣಿನ ನೆಲ ಎಂಬುದರಿಂದ ಕರ್ನಾಡು ಮುಂದ ಕರ್ನಾಟಕವಾಯಿತೆಂದು ಹೇಳಬಹುದು.
• ಕರುನಾಡು ಎಂದರೆ ಎತ್ತರದ ನೆಲ ಅಥವಾ ಪ್ರದೇಶ ದೊಡ್ಡ ನೆಲ ಎಂಬ ಹೆಸರು ಇದೆ.
• ಕವಿರಾಜಮಾರ್ಗಕಾರ ಕಾವೇರಿಯಿಂದ ಮಾ ಗೋದಾವರಿ ವರಮಿರ್ದಾ ನಾಡದಾ ಕನ್ನಡದೊಳ್” ಇಂದು ಉಲ್ಲೇಖಿಸಿದ್ದಾನೆ.
• ಕರ್ನಾಟಕ ರಾಜ್ಯವು 12 ಮತ್ತು 18 ಉತ್ತರ ಅಕ್ಷಾಂಶ ಹಾಗೂ 74 78 ರೇಖಾಂಶಗಳ ನಡುವೆ ಇದ್ದು ದಖ್ಖನ್ ಪ್ರಸ್ಥಭೂಮಿಯ ಮೇಲಿದೆ ಜೊತೆಗೆ ಪಶ್ಚಿಮದಲ್ಲಿ 321 ಕಿಲೋಮೀಟರ್ ಉದ್ದದ ಕರಾವಳಿ ಮೇರೆಯನ್ನು ಹೊಂದಿದೆ. ನಂತರ ಪಶ್ಚಿಮ ಘಟ್ಟವನ್ನು ಹೊಂದಿದ್ದು ಇಲ್ಲಿ 6,000 ಕ್ಕಿಂತ ಹೆಚ್ಚಿನ ಎತ್ತರದ ಪರ್ವತಗಳನ್ನು ಒಳಗೊಂಡಿದೆ. ಇದರೊಂದಿಗೆ ದಖ್ಖನ್ ಪ್ರಸ್ಥಭೂಮಿ ಮತ್ತು ಕರಾವಳಿಯನ್ನು ವಿಭಾಗಿಸಿದೆ. ಇದರೊಂದಿಗೆ ಮಾನ್ಸೂನ್ ಮಾರುತದ ಮಳೆಯನ್ನು ಜೂನ್ ತಿಂಗಳಿಂದ ಪಡೆಯುತ್ತದೆ.
• ಇದರಿಂದ ಮಳೆಯನ್ನು ಅವಲಂಬಿಸಿ ಕರ್ನಾಟಕದಲ್ಲಿ ಕೃಷಿ ಕಾರ್ಯ ನಡೆಯುತ್ತದೆ ಇದರೊಂದಿಗೆ ಕರ್ನಾಟಕದಲ್ಲಿ ಹೆಚ್ಚು ನದಿ ವ್ಯೂಹಗಳನ್ನು ಒಳಗೊಂಡಿದೆ ಅದರಲ್ಲಿ ತುಂಗಭದ್ರಾ ಕೃಷ್ಣ ಉತ್ತರದಲ್ಲಿ ಕಾವೇರಿ ಕಣಿವೆ ದಕ್ಷಿಣದಲ್ಲಿ ಹರಿಯುತ್ತದೆ. ಪಶ್ಚಿಮದಿಂದ ಪೂರ್ವಕ್ಕೆ ಇದು ಬಾಗಿರುವುದರಿಂದ ಪಶ್ಚಿಮ ಘಟ್ಟಗಳಲ್ಲಿ  ನದಿಗಳು ಹುಟ್ಟಿ ಪೂರ್ವದ ಕಡೆಗೆ ಹರಿದು ಬಂಗಾಳಕೊಲ್ಲಿ ಸೇರುತ್ತವೆ. ಶರಾವತಿ, ಕಾಳಿ ಮುಂತಾದ ನದಿಗಳು ಪಶ್ಚಿಮ ಅಭಿಮುಖವಾಗಿ ಹರಿದು ಅರಬ್ಬಿ ಸಮುದ್ರವನ್ನು ಸೇರುತ್ತವೆ.
• ಇದರೊಂದಿಗೆ ನೀರಾವರಿ ಹೆಚ್ಚು ಇರುವಲ್ಲಿ ಕಬ್ಬು, ಬತ್ತ, ಒಣ ಹವೆಯಲ್ಲಿ ನೆಲಗಡಲೆ, ಜೋಳ, ದಕ್ಷಿಣ ಕರ್ನಾಟಕದಲ್ಲಿ ರಾಗಿಯನ್ನು ಹೆಚ್ಚಾಗಿ ಬೆಳೆಯುತ್ತಾರೆ. ನಮಲ್ಲಿ ಕರಾವಳಿಯು ಇರುವುದರಿಂದ ವಿದೇಶಿ ವ್ಯಾಪಾರಕ್ಕೂ ಸಹಾಯಕವಾಗಿದೆ. ನದಿಗಳ ಮೂಲದಲ್ಲಿ ನಮ್ಮ ಬಹುಪಾಲು ರಾಜ ಮನೆತನಗಳು ಬೆಳದದ್ದು ಅವುಗಳಲ್ಲಿ ಬಾದಾಮಿ ಚಾಲುಕ್ಯರು, ರಾಷ್ಟ್ರಕೂಟರು ವಿಜಯನಗರ, ಮೈಸೂರು, ಮುಂತಾದವು.
• ಅದೇ ನದಿಗಳು ನಮ್ಮ ಜಲವಿದ್ಯುತ್ ಉತ್ಪಾದನೆಗೂ ಸಹಾಯಕವಾಗಿದೆ. ಇದರೊಂದಿಗೆ ಶಿವನಸಮುದ್ರದಲ್ಲಿ ಮೊದಲ ಬಾರಿಗೆ ವಿದ್ಯುತ್ ಉತ್ಪಾದಿಸಿ ಕೆಜಿಎಫ್ ಗೆ ವಿದ್ಯುತ್ ಸರಬರಾಜು ಮತ್ತು ಬೆಂಗಳೂರಿಗೂ ಸರಬರಾಜು ಮಾಡಲಾಯಿತು. ಇದೇ ನದಿಗಳು ತುಂಗಭದ್ರ ನದಿಯು ಅಶೋಕನ ಸಾಮ್ರಾಜ್ಯದ ಕೊನೆಯ ಆಗಿತ್ತು.
• ಕರ್ನಾಟಕ ನಿತ್ಯಹರಿದ್ವರ್ಣ ಮಳೆಕಾಡುಗಳನ್ನು ಪಶ್ಚಿಮ ಘಟ್ಟಗಳಲ್ಲಿ ಹೊಂದಿದೆ. ಇಲ್ಲಿ ಗಂಧದ ಮರಗಳು ಹೆಚ್ಚಿದ್ದರಿಂದ ಕರ್ನಾಟಕವನ್ನು ಶ್ರೀಗಂಧದ ನಾಡು ಎಂದು ಕೂಡ ಕರೆಯುತ್ತಿದ್ದರು. ಇದರಿಂದ ಗಂಧದ ಎಣ್ಣೆ ಅಲಂಕಾರಿಕ ವಸ್ತುಗಳ ಕೆತ್ತನೆಗೆ ಬಳಕೆಯಾಗುತ್ತಿತ್ತು. ಹಾಗೆ ಕರ್ನಾಟಕದಲ್ಲಿ ಸಸ್ಯ ಸಂಪತ್ತು ಪಕ್ಷಿ ಸಂಪತ್ತು ಪ್ರಾಣಿ ಸಂಪತ್ತು ಅಸಂಖ್ಯವಾಗಿದೆ. ಕರ್ನಾಟಕದಲ್ಲಿ 5 ರಾಷ್ಟ್ರೀಯ ಉದ್ಯಾನವನಗಳಿವೆ. ಕರ್ನಾಟಕದ ರಾಜ್ಯಪ್ರಾಣಿ ಆನೆ, ರಾಜ್ಯ ಪಕ್ಷಿ ನೀಲಕಂಠ, ರಾಜ್ಯ ಹಣ್ಣು ಮಾವುಗಳಾಗಿವೆ.
• ಅದರೊಂದಿಗೆ ಹೆಚ್ಚಾಗಿ ಧಾನ್ಯಗಳು ವಿಧಗಳ ಧಾನ್ಯಗಳನ್ನು ಕೂಡ ಬೆಳೆಯುತ್ತಾರೆ ಅನೇಕ ಜಲಪಾತಗಳು ಕೆರೆಗಳನ್ನು ಕೂಡ ನೀರಾವರಿಗಾಗಿ ಬಳಸಿಕೊಳ್ಳಲಾಗುತ್ತಿದೆ. ಕರ್ನಾಟಕದಲ್ಲಿ ಮರಳು ಕಲ್ಲು, ಬಳಪದ ಕಲ್ಲುಗಳನ್ನು ಬಳಸಿಕೊಂಡು ಪ್ರಸಿದ್ಧವಾದ ದೇವಾಲಯಗಳ ನಿರ್ಮಾಣ ಮಾಡಲಾಯಿತು. ಅದರಲ್ಲಿ ಹಳೇಬೀಡು, ಬೇಲೂರು, ಐಹೊಳೆ, ಪಟ್ಟದಕಲ್ಲು, ಬಾದಾಮಿ, ವಿಜಯನಗರ ಮುಂತಾದಡೆಯ ಶಿಲೆಗಳನ್ನು ನೋಡಿದರೆ ಮನಸ್ಸಿಗೆ ಮುದ ನೀಡುತ್ತದೆ. ಜೊತೆಗೆ ಸಿನಿಮಾ ಕ್ಷೇತ್ರ, ಸಂಗೀತ ಕ್ಷೇತ್ರ ಹಿಂದುಸ್ತಾನಿ – ದಕ್ಷಿಣಾದಿ ಕರ್ನಾಟಿಕ್ ಸಂಗೀತಗಳು ಬೆಳೆದಿವೆ.
• ಬೆಂಗಳೂರು ಕರ್ನಾಟಕದ ರಾಜಧಾನಿಯಾಗಿ ಸಿಲಿಕಾನ್ ವ್ಯಾಲಿ ಎಂದು ಹೆಸರು ಪಡೆದು ಜಗದ್ವಿಖ್ಯಾತಿ ನಗರವಾಗಿ ಬೆಳೆದು ನಿಂತಿದೆ. ಕರ್ನಾಟಕವು ಒಂದು ದೇಶ ಹಲವು ಜಗತ್ತುಗಳು ಎಂಬ ಉಪಶೀರ್ಷಿಕೆಯೊಂದಿಗೆ ಪ್ರವಾಸೋದ್ಯಮವನ್ನು ಬೆಳೆಸುತ್ತಿದೆ